خلاص يلا نعيش ~

         17-4-2014

 12:34AM 

أنا ودي بـ إيش ؟

ودي أعيش بدون تهميش

ودي حياة ما بها تبليش

أبطل أبني منابر لأجل عابر

و أداري خواطر

ردية لأجل أعيش

معليش ...

ماهي خواطرهم ردية

لكن حظي تردى و صار عاثر

تراني ما شكيت الضيم و أنت خابر

لكن شوف ..ناظر صوب المقابر

ساكنة ..هامدة ..يمرها الهوا بشويش

لا تغويك المظاهر

اسأل كم روحن فارقت آدمي؟ و ليش؟

عيون نامت..أرواح غابت .. و أنا احتياجاتي ذابت

فهمتني؟! خلاص اترك شوية على مكتبك المحابر

بس عشان هالخاطر

و عطني من وقتك ..من عمرك..من قلبك ..بس شويش

عطني حياة أعيشها بدون تشويش

ترا قالها فهد و انت خابر :

"خلك معي راضي وانا راضي
حتى الوطن من دون شعبه جيش
يقضي عليه من الزمن قاضي
تعال ا عيشك بشوق وانت عيش" 

و إذا ناوي ترحل ؟ تبعد؟ و انت حاير

طفي آخر شموعك بشويش

غني للقمر أنا راحل

أنا غايب و هاجر

أنا بعت هالقلب بتهميش

خلصنا؟ و إلا تبي تغشيش؟!

أنا كنت صابر

كنت ..ترا كنت لكن الصبر سافر

و اليوم أنا إيش؟

طير يحوم بطيش

جماد مليان تطنيش

معليش

بس نبي نعيش

نعاند هُم .. نعاند هَم

نعيش بليا هُم .. بليا هَم

يلا نطَّير من مخدتنا ريش

خلاص ! يلا نعيش